Proxección en Filmoteca de Galicia, 14 de xuño
O 14 de xuño celebramos en Filmoteca de Galicia a estrea das películas Cinema en curso 2023-2024!
Tres grupos de nenas e nenos presentaron as súas películas e, despois de cada presentación, abriuse a quenda de palabra na que outros centros participantes e os convidados expresaron a súa felicitación, intercambiaron impresións e fixeron preguntas. Estas conversacións permitiron profundar na concepción da película, as eleccións expresivas, a rodaxe, a montaxe... e xurdiron emocionantes comentarios sobre a importancia de ter participado e gozado dos procesos do filme co resto de compañeiras. Una xornada para compartir o cinema.
As películas estreadas foron:
O zoar no ar, CEIP Plurilingüe A Reigosa, Ponte Caldelas
Migallas de tradición, CEIP de Tenorio, Cerdedo-Cotobade
Na memoria do muiño, CEIP A Rúa, Cangas
Pode ver as películas na páxina de Films e tamén a peza de clausura con música de Pep Vila d'Abadal e Albert Casanova, especialmente composta para a ocasión e interpretada en vivo na Sala Chomó da Filmoteca de Catalunya.
