Un ano de cinema, con música de Ernest Pipó
2021-2022
Os días 1 e 2 de xuño de 2022 celebramos na Filmoteca de Catalunya as primeiras xornadas de estrea das películas da décimo sétima edición de Cinema en curso.
Pechamos as sesións celebrando un ano de cinema cunha montaxe que recolle planos das películas realizadas nos obradoiros de Catalunya, Galicia, Madrid, Euskadi e Brandenburgo, así como momentos das súas rodaxes.
Ernest Pipó interpreta en directo a peza musical que compuso especialmente para esta montaxe.