Ola a tod@s!

Ola!
Somos os alumnos e alumnas de 5ºA de primaria, do CPI MANUEL SUÁREZ MARQUIER, en O Rosal.
O Rosal é un pobo pequeno de Galiza. (España)
Temos moitos sitios aos que nos gusta ir por exemplo á praza do Calvario, á praia, ao parque de Pías e ao río Miño, que nos separa de Portugal. Podemos cambiar de país en 5 minutos en coche!
Nesta zona faise moito viño de forma artesanal e fanse tellas dunha maneira que só, os cabaqueiros, saben facelas. Tamén nace unha froita moi característica, os mirabeis, coa que se fan tortas, licores, galletas...polo que aproveitamos e facemos unha festa! Moita xente vive da pesca.
O noso cole é máis coñecido como A Mata, xa que é o nome da zona onde se atopa. É un cole grande no que podes estudar dende 1º de primaria ata 4ºESO.
Na nosa aula somos 16 alumnos e alumnas e estamos a preparar o noso espazo de Cinema en Curso. Gústanos traballar e facer moitas máis cousas. É de cor branca e temos tres pizarras unha delas dixital.
Estamos moi contentos de poder participar neste proxecto. Esperamos divertirnos, gozar coas proxeccións e gravar moitas cousas!
Estaremos atentos a todas as vosas publicacións para coñecervos máis e facer moitos amigos e amigas de todo o mundo.

Os de quinto da Mata.