Lantegiak

Lantegiak lehen hezkuntzako 3. eta batxilergoko 2. mailen arteko ikasleekin eta zinegile baten eta irakasle talde baten artean garatzen dira, eskola-orduetan eta irakasgai anitzekin lotuta (hezkuntza eta literatura, giza zientziak, bisual eta plastika, musika…).

Fikzioa eta dokumentala lantzen ditugu, zinema ikustearen eta zinema egitearen arteko loturan oinarritzen den metodologia jarraituz.

Mugikorrekin, kamera txikiekin eta kamera profesionalekin egindako zenbait praktiken ostean, ikasleek laburmetraiak egiten dituzte ekipamendu profesionala erabiliz.

Ikasleak prozesu guztietan zehar autore dira -gidoitik hasi eta muntaiaraino-, betiere taldean lan eginez. Gidoia guztien artean lantzen da; filmaketan zehar karguak txandaka aldatzen doaz, ikasle guztiek lan guztiak garatzen dituzten arte (zuzendaritza, kamera, laguntzaile, soinu teknikari, script…); muntaia talde txikien eta handiagoen lana uztartuz egiten da.