Presentámonos

Somos o alumnado de 5º e 6º do CEIP Plurilingüe de Tenorio e este ano participaremos conxuntamente no proxecto de Cinema en Curso, no que o noso centro leva xa varios anos.
Fainos moita ilusión poder aprender tanto sobre o mundo do cine da man de grandes profesionais, e estamos moi agradecidos de contar coa axuda de Carla Andrade, a nosa cineasta de referencia. Ademais, estamos desexando amosarlle ao mundo todo o que a nosa contorna pode ofrecer, a través dos planos que iremos facendo.
Tamén temos moitas ganas de ver os planos dos outros centros e como son as súas vilas ou cidades.
Desexámosvos a todas e todos un moi feliz curso cheo de Cinema!